Search

手足攝影班 | 費用全免(非黃勿擾)


手足攝影班 | 費用全免(非黃勿擾) 運動至今已經超過7個月,我知道有好多人失去收入,因為政見比老闆炒,搵唔到工,甚至因為其他原因冇人肯請你。點都好,唔重要。 直接啲講我自己收入亦大受影響,金錢上可以幫到手嘅好有限。但我可以將我識嘅嘢教晒你! 而且長貧難顧,求人不如求己!如果你對攝影有興趣,有冇諗過變為專業? 我唔會教你同人鬥平爭生意。冇 quality 嘅話 幾平都好,好快會比市場淘汰。亦唔會要你跟我個style。做 creative 最忌抄襲,咁樣你永遠只係人哋嘅影子, 最終亦都係會畀人淘汰。 所以希望可以幫你搵到自己嘅 style。 質素同服務永遠行先!希望我都可以為攝影界帶來一批新血 會嘗試了解下你個人喜好再入手,自己都唔清楚嘅我可以同你一齊研究。起碼我有少少經驗,可以行少d寃枉路。 會盡量提供實習機會比你,或幫你搵job,再唔係我出糧搵你幫我手。 基本要求: - 對攝影有興趣 (最好有熱誠啦,如果冇比較難係呢行生存) - 唔怕辛苦 - 有基本攝影器材為佳 (真係冇嘅 我試下幫你諗諗計) - 仔女或有需要人士優先 由於今年係閏年,現階段怕時間難控制暫時開放五位名額! 費用: - 千祈唔好諗住俾錢, 我會捐晒佢然後打鑊你 - 應承我,到你有機會嘅時候幫下其他有需要嘅人就可以 - 上堂期間包埋你膳食 如果有多於5位手足有興趣,我會挑選最適合嗰5位或考慮增加名額。 對我有懷疑嘅可以睇下我啲嘢先,覺得識合先聯絡我。 聯絡方法: 係度dm我 OR email 去 nicholas@iniley.com 講明 "報名手足攝影班" OR tg 我 ID: llm789 唔使比真名, 留低性別,大約年齡,對邊類型攝影比較有興趣,同埋攝影知識/技術約莫去到咩程度。 最後無論你有冇興趣都好,我呢個page大部分都係媽媽為主,好少仔女會睇到所以麻煩你幫幫手share出去 等有需要嘅人睇到。🙏🙏🙏 Thank you soooo much! 🤚☝ Nick #自己香港自己救 #光復香港時代革命 #yelloweconomy #黃色經濟圈 #fivedemandsnotoneless

NT photography copyright © 2020